Tuesday, January 20

robert burns -to a mouse


I had to recite this poem while in primary (grade) school after having moved to Scotland from Vermont. This was for a Robert Burns contest at the school (everyone had to enter) and 'To A Mouse' was the least daunting. My American/New England voice trying to speak Scots must have been like nails down a chalkboard. After a year or so I picked up quite a few colloquialisms ( th' morn, i dinnae ken, etc...) but my Scots grandpa once asked me to just stop trying... it sounded so rough. I am teaching our boys these words now. Not waiting.

Wee sleekit, cow'rin, tim'rous beastie,
O, what a panic's in thy breastie!
Thou need na start awa sae hasty,
Wi bickering brattle!
I wad be laith to rin an chase thee,
Wi murdering pattle!

I'm truly sorry man's dominion
Has broken Nature's social union,
An justifies that ill opinion,
Which makes thee startle
At me, thy poor, earth-born companion.
An fellow mortal!

I doubt na, whyles, but thou may thieve:
What then? poor beastie, thou maun live!
A daimen icker in a thrave
'S a sma request;
I'll get a blessin wi the lave,
An never miss't!

Thy wee-bit housie, too, in ruin!
Its silly wa's the win's are strewin!
An naething, now, to big a new ane,
O foggage green!
An bleak December's win's ensuin.
Baith snell an keen!

Thou saw the fields laid bare an waste,
An weary winter comin fast.
An cozie here, beneath the blast,
Thou thought to dwell,
Till crash! the cruel coulter past
Out thro thy cell.

That wee bit heap o leaves an stibble,
Has cost thee monie a weary nibble!
Now thou's turn'd out, for a' thy trouble.
But house or hald,
To thole the winter's sleety dribble,
An cranreuch cauld!

But Mousie, thou art no thy lane,
In proving foresight may be vain:
The best-laid schemes o mice an men
Gang aft agley,
An lea'e us nought but grief an pain,
For promis'd joy!

Still thou art blest, compar'd wi me!
The present only toucheth thee:
But och! I backward cast my e'e,
On prospects drear!
An forward, tho I canna see,
I guess an fear!

1 comment:

roger said...

Utterley magnificent - this poem should be simply read weekly, and the subject of pub reading competitions, home philosophical meanderings, and school stage performances etc.